နေ့များ

 

ဒီသံလမ်းပေါ်မှာ ပြေးလွှားနေသမျှတော့
ဒီဘူတာအပြင် အခြားမရှိတော့
ငါဟာ ရထားတစ်စင်းပဲပေါ့ အချစ်ရေ
ဝေးရာကို စွန့်ခွာခုတ်မောင်းရင်း
မင်းထံမှာ ပြန်လည်ဆိုက်ကပ်ရင်း
ရမ္မက်တွေ မီးခိုးတလူလူနဲ့
ကိုယ့်အတွက်မဟုတ်တဲ့ ခိုနားရာမှာ
အကြိမ်ကြိမ်ရပ်တံ့ဖို့ ကြိုးစားရင်း
တခြားတဖက်မှာလည်း
အဝေးဆုံးပြေးထွက်ရင်း
ကိုယ်ဟာ
အဓိပ္ပါယ်မဲ့ခြင်းများနဲ့ ရထားတစင်းပဲပေါ့
လမ်းဟာ လမ်းမဟုတ်တော့တဲ့
အကျဉ်းကျခြင်းသာ ဖြစ်ခဲ့တော့။