လွမ်းနေမိတယ်

တွေဝေနေမိတော့ သူကမေးတယ် . .
. . . . . . . . . . . . . .
လွမ်းဆွတ်တတ်သူတွေနဲ့ အနေနီးခဲ့လို့ဖြစ်မယ်
ကိုယ်လည်း လွမ်းနေမိတယ်။

လမ်းခွဲသွားတဲ့ သူ့ကို
မဟုတ်ရသလို
ချစ်လျက်နဲ့ဝေးခဲ့ရသူကိုလည်း
မဟုတ်ရပါဘူး
ပိုင်ဆိုင်ဖူး ဆုံးရှုံးဖူးမှ လွမ်းရတာလည်း
မဟုတ်ရပြန်ဘူးကွယ်။

ဘယ်တုံးကမှမရှိဖူးတဲ့ စိတ်ကူးလေးတစ်ခုလိုပေါ့
ဘယ်လို ပြောပြရမယ် ကိုယ်မသိခဲ့ဘူး။

ဘဝမှာ ကြယ်ကလေး တစ်စင်းခူးဖူးတယ်
နောက်ထပ် ဖူးပွင့်လာဦးမယ် အထင်နဲ့။
အဲသည်ကစ
သည်းသည်းမည်းမည်း မှောင်မိုက်နေတဲ့ ညတွေနဲ့
အချိန်ရှိတိုင်းလွမ်းနေရတော့တာပါပဲ။