အေပရယ် ရောက်တော့မှာမို့
အရူးလုပ်ခံရဖို့ မျှော်မိတယ်
အချစ်ရဲ့
မင်း လက်ဖ၀ါးလေးဆီက လွင့်ထွက်သွားရတိုင်း
နွေခေါင်ခေါင် တစ်ရက်နေ့ပါပဲကွယ့်
အခုထိ ဟုတ်ယောင်ထင်မှု အစစ်တွေထဲက
မလွတ်မြောက်နိုင်သေးတဲ့အဖြစ်ရယ် . .
နံပါတ်တစ်ခုကို မှားခေါ်မိတယ်
ဒါဟာ ဘယ်တုံးကမှ မရယ်မောမိတဲ့ ဟာသအသစ်စက်စက်ပေါ့
စိတ်ကကွေးညွှတ်သွားတိုင်း
အတိတ်ကို ပြန်ကောက်ရဦးမလား တွေးသူအဖြစ်နဲ့
လိပ်စာရဲ့အဆုံး တစ်ဖက်မှာ မင်းအပြုံးတွေ ကိုယ်မမြင်ခဲ့ရဘူး
အညာခံရသူတဲ့ကွယ်
ကျောခိုင်းရာတိုင်းမှာ ရယ်သံတွေကြားရပြန်တယ်
စိန်ပန်းပင်တွေအောက်ဆီ
အိပ်မက်နဲ့ဖြတ်လျှောက်တိုင်း
ကိုယ်အခြောက်ခံရတဲ့ တစ္ဆေ။
No comments:
Post a Comment