လက်ရှိရည်းစားဖတ်ဖို့ အချစ်ကဗျာ

 ပြောင်းလဲချိန်တန်ပြီတဲ့ အချစ်
ပြောကြည့်
မင်း အဆင်သင့်ဖြစ်ရဲ့လား

ဆရာဝန်ကြီးလား
စစ်ဗိုလ်ကြီးလား
ဆိုရှယ်လစ်ခေတ်တုံး မင်းသားတွေဆိုပေမယ့်
ကြည့်ရတာ သူတို့အတွက်လည်း
ခေတ်ကောင်း ဟုတ်ပုံမရဘူး
ထားလိုက်တော့ မင်းဘာဖြစ်ချင်လဲ
ကိုယ် မမေးလို။

ကိုယ်ပိုင်အုပ်ချုပ်ခွင့်ပေးထားလျှက်
မင်းက ခွဲထွက်မှာလား
Viber က ပစ်မယ်
messenger က ပစ်မယ်
MPT နဲ့ ရန်ဖြစ်မယ်
OOREDOO နဲ့ ပြန်ချစ်မယ်
TELENOR နဲ့ ထပ်ပြီး ရစ်မယ်
စစ်ပွဲကြာငြောင်းလေလေ
လက်နက်ကုန်သည်လို
Operator တွေ ကောင်းစားလေလေ
ပိုင်ဆိုင်မှုရောင်းချပြီး ဦးအောင်မင်းလိုများ
တစ်ယောက်ယောက်က
 ငြိမ်းချမ်းရေးကိုယ်စားလှယ်လုပ်ပေးမလား
ဆုတောင်းဖူးတယ်။

အချစ်
အနာဂတ်ခေါင်းစဉ်အောက်မှာ
ကိုယ် အလုပ်သိပ်များတယ်
သတင်းသမားတွေလို မနက်ဖြန်ကိစ္စ
အခုသိချင်တာလား
ခဏလေးစောင့်ပါဦးလား
ဝန်ကြီးချုပ် နေရာထက်
လူထုလက်ခံဖို့ လိုတာ မျက်ကွယ်ပြုရင်း
တောကြောင်တွေ အလိုကျ
ဒေါက်တာအေးမောင်လို
စိတ်ကောက်ချင်ယောက်ဆောင်ပြီး
တစင်ထောင်နေရပြန်တာလား
ခဏလေးပါကွာ . . .

ရှစ်ပြည်နယ် ဖက်ဒရယ် ဘယ်ခေါင်းစဉ်နဲ့လာလာ
လူ့အခွင့်အရေး ဒီမိုကရေစီ ဘာပဲဖြစ်ဖြစ်။
အုပ်ချုပ်သူတွေက မြောက်ကိုရီးယားကို အားကျပြီး
ပြည်သူတွေက စင်္ကာပူလိုဖြစ်ချင်နေတဲ့
မြန်မာ့ဒီမိုကရေစီ အူကြောင်ကြောင်နွေဦးလို
မင်းက ကိုယ့်ကို ချစ်တာများလား

အသံအကျယ်ကြီး မြည်တဲ့
ဟိုက်ဒရိုဂျင်ဗုံး ပိုင်ဖို့ထက်
အာဏာရှင်ကြောင့် ချမ်းသာသွားတဲ့
ပင်လယ်ဓားပြဆိပ်ကမ်း လိုဆိုလည်း
တခုမှ လိုရင်းနဲ့ မတည့်ကြောင်း
မင်းသိဖို့မလိုဘူး ထင်နေတုံးလား။

အပြန်အလှန်နားလည်မှုဆိုတာက
တည်ဆောက်ဖို့အချစ်ရဲ့
မင်းမြင်ဖူးတဲ့ ဒိုဇာတွေ ဘက်ဟိုးတွေလို
တောင်တန်းတွေဖြိုရောင်းဖို့
နွေးထွေးမှုတွေမောင်းထုတ်ဖို့
ယုံကြည်မှုတွေ ဖျက်ဆီးဖို့ မလုပ်ကောင်း တာအမှန်။

စိုင်းစိိုုင်းခမ်းလှိုင် ငြီးငြူသလို
နားမလည်ဘူး နားမလည်ဘူး ဆိုပြီး
ပြန်ထွက်သွားဖို့ က
ဒီနေရာမှာ မလွယ်လှဘူး။
ဒါမြန်မာပြည် လိုပဲ သိလား
ထောင်ဆိုတာ အတိုက်အခံ အတွက်ပဲထားတာ။
အချစ်မှာ လွတ်ငြိ်မ်းချမ်းသာအတွက် မျှော်လင့်ချက်မရှိ။
မင်းက တရုတ်ကလာတဲ့ သစ်သူခိုးလည်း ဖြစ်မှ မဖြစ်ခဲ့တာ။

Continue Reading...