ရွိင်လိုပက်(ဇ်) နဲ့စဖွင့်မယ် . . .
မင်းသဘောတူသည်ဖြစ်စေ၊ မတူသည်ဖြစ်စေ . .
တရေးနိုးတိုင်း ခေါင်းအုံးလေးထစမ်းမိတာမျိုးဆို
နည်းနည်းတော့ရင့်သီးတဲ့ အလွမ်းမျိုးဖြစ်နေမလား
ကိုယ်က မင်းနဲ့ အိပ်မက်မက်တိုင်းဆုံဖြစ်နေတာမို့ပါ။
အစကပိုင်းမှာ ထောင်ချောက်တွေသိပ်များလွန်းတယ်လို့များ
မင်းညူစူနေဦးမှာလား . .
ချစ်ရတာ စစ်တုရင်ကစားပွဲမဟုတ်လည်း
ကိုယ့်ရဲ့တန်ဖိုးနည်းတဲ့ အရုပ်ကလေးကို ဘုရင်မနဲ့မလဲချင်တာအမှန်၊
ဘ၀က ဖြည်းဖြည်းချင်းစီးဆင်းနေခဲ့တာ
အဖြူအနက်အပြင် တခြားဘာအရောင် ပဲဖြစ်ဖြစ် ...
မင်း စစ်တုရင်ခုံပေါ်က အလွယ်တကူ မဖယ်ချင်တဲ့ အဖြစ်လေ . .
နယ်ရုပ်ကလေးလို နောက်ပြန်ဆုတ်မရတဲ့ အချစ်လို့ပြောရင်လည်း
မင်းရယ်မောနေဦးမှာပါပဲ။
အထီးကျန်နေတဲ့ စစ်သူရဲတစ်ယောက်ပဲဖြစ်ဖြစ်
ကျိုးပဲ့သွားရတဲ့ ရထားတစ်စင်းပဲဖြစ်ဖြစ်ပေါ့ . .
နှစ်များစွာစဉ်းစားရင်း ဖြည်းဖြည်းချင်း ညှဉ်းသတ်လှည့်ပါ အချစ်ရယ်
အနိုင်အရှုံးအတွက် အကြိမ်ကြိမ်ပြန်ကစားနေရတာထက်စာရင်
သည်တစ်ပွဲကို တစ်သက်စာ ဆွဲဆန့်ထားချင်တယ်။
No comments:
Post a Comment